Koppingarevni móti royking

Um nøkur ár kanst tú fáa koppingarevni ímóti royking. Eitt koppingarevni er nevniliga við at verða ment av amerikonsku biotek fyritøkuni Nabi Biopharmaceuticals. Felagið er júst farið í samstarv við heilivágsrisan Glaxo-SmithKline. Tað skrivar videnskab.dk í dag.

Loynidómurin aftanfyri koppingarevni, sum verður kallað NicVAX, er, at roykjarin ikki fær njóting av sigarettunum, eins og vanligt her hjá roykjarum. Koppingarevnið forðar nevniliga nikotini í at náa heilan.

Tvær kliniskar undankanningar eru gjørdar og vísa fyribils úrslit, at NicVAX hjálpir upp ímóti helvtini av roykjarum at sleppa undan sigarettunum.

Seinastu undankanningarnar verður nú settar í verk har umleið 1000 roykjarar skulu verða við. Væntandi verða úrslit av hesi kanning tøk á heysti 2011, og um alt gongur sum ætlað, so kann evnið skjótt koma á marknaðin eftir tað.

Les meir á videnskab.dk