91141510ba43e197aee85a62aadff6a3.jpg
Skriva út
Lagt út: 03.07.2012

Grein um hitaávirkan á ítróttaravrik

Magni Mohr, granskari við University of Exeter, hevur saman við øðrum fingið nýggja grein í tíðarritið PLoS ONE. Greinin kallast “Physiological Responses and Physical Performance during Football in the Heat” og kann lesast her.

Í oktober 2010 luttóku fótbóltsleikarar úr B36 í stórari granskingarverkætlan i Qatar í Miðeystri, har endamálið var at kanna ávirkanina av hørðum intervalarbeiði undir stórum hitatrýsti á fysiologiskar skipanir, umframt evnini hjá ítróttarfólkum, ið vanliga kappast í lutfalsliga køldum umhvørvi, at laga seg til arbeiði í nógvum hita. Í 2011 kom fyrst greinin i Scandinavian Journal of Medicine and Science in Sports. Í stuttum vísa hesi úrslit, at við rættari tillagingarætlan til arbeiði í hita ber til at røkka stórum fysiologiskum tillagingum, sum eisini ávirka kropslig avrik í vanligum umhvørvi. Tað vil siga at til ber at brúka hitavenjing beint uppundir kappingar, eisini hóast tær fara fram í vanligum umhvørvi.

Onnur greinin er sum nevnt prentað í amerikanska tíðarritinum PLoS ONE, har víst verður, hvussu ymiskt leikararnir møðast í hita samanborið við vanligar umstøður. Møðismynstrið (fatigue pattern) broytist munandi í hitanum, har fysiologiskar mekanismur í heilanum fáa størri ávirkan enn mekanismur í sjálvum vøddunum.

Ein triðja grein er upptikin i British Journal of Sports Medicine og kemur á prent um góðar tveir mánaðir. Henda greinin vísir, hvussu ítróttarfólki, ið eru serliga væl ella illa egnaði til arbeiði í heitum umhvørvi, kunnu finnast vid fysiologiskum mátingum. Henda vitan er sera týdningarmikil hjá øllum teimum, sum skulu kappast i hita. Í løtuni verða genkanningar framdar fyri at leita eftir serstøkum genum, sum kunnu spáa um hita-toleransu.

Ein fjórða grein er eisini skrivað og send til tíðarritið Journal of Physiology. Hon snýr seg um hvíldargongdina eftir arbeiði í nógvum hita, har hugt er eftir, hvussu hypertermia ávirkar niðurbróting av vøddasukri, hvat hendir fyrstu dagarnar eftir kapping og hvussu hetta hongur saman vid mikroskaðum i vøddakyknuni.

Les um Magna Mohr í Heilagrunninum

Henda heimasíðan brúkar farspor (cookies)
Vit brúka farspor fyri at kanna ferðsluna á heimasíðuni og fyri at gera tína uppliving so góða sum møguligt.

Neyðug farspor tryggja, at heimasíðan riggar, sum hon skal. Vit hava eisini valfrí farspor, sum kunnu gera tína uppliving og upplivingina hjá øðrum betri.

Tú kanst altíð taka samtykkið aftur. Hetta gert tú við at trýsta á ímyndina niðast til vinstru á heimasíðuni. Les meira um farspor
Eg góðtaki bert neyðugEg góðtaki øllEg góðtaki valdu stillingarVís stillingar av farsporumFjal stillingar av farsporum