Ph.d.-skeið: Gjøgnumhugsa tína verkætlan

Fróðskaparsetrið skipar saman við granskarum frá Aalborg Universiteti og Syddansk Universiteti fyri ph.d.-skeiði, har arbeitt verður við at geva luttakarunum amboð til í verki at hugsa sína ph.d.-verkætlan ígjøgnum við Støðuligari Analysu (SA)

Námsvísindadeildin á Fróðskaparsetrinum verður 23. - 25. mai 2022 karmur um spennandi ph.d.-skeið, sum er ókeypis fyri ph.d.-lesandi og starvsfólk á Fróðskaparsetrinum, og sum kostar 2.000 kr. fyri onnur, ið hava áhuga.

Skeiðsluttakarar fáa trý ECTS-stig við virknari luttøku á øllum skeiðnum.

Skeiðið er fyri ph.d.-lesandi og tey, ið hava ætlanir um at fara undir ph.d.-verkætlan, umframt fyri granskarar annars. Pláss er fyri í mesta lagi 25 luttakarum.

Les meira um skeiðið her

Umsóknarfreist er 1. mars 2022.

Tilmeldingarskjal er her