Vísindavøkublaðið 2024 er útkomið

Vísindavøkublaðið 2024 kom út fríggjadagin saman við Vikuskiftissosialinum. Blaðið kann lesast í talgildari útgávu her.

Í blaðnum eru greinar um gransking og vísindi. Greinar eru millum annað um gransking av skúlafráveru, sum er ein alsamt vaksandi trupulleiki, um ætlanir at seta upp eina luftgranskingarstøð á Sornfelli og um støðu Føroya í einum nýggjum geopolitiskum veruleika við øktum stríði millum stórveldini.

Eisini eru greinar um kensluliga møði hjá umsorganarstarvsfólkum, um universitetssjúkrahús, um hvalspýggjur og um nýggjar fíggingarmøguleikar fyri gransking og nýskapan. 

Greinar eru eisini um nýggj hagtøl fyri gransking, menning og nýskapan og um nýggjar verkætlanir, ið hava fingið stuðul frá Granskingarráðnum.

Vísindavøkublaðið verður givið út í sambandi við Vísindavøkuna, ið verður 27. september í Sjóvinnuhúsinum í Havn.

Skráin fyri Vísindavøkuna í Sjóvinnuhúsinum og fyri Vísindavøkuna á ferð, ið verður frá 16.-23. september, er eisini í blaðnum.