Vísindavøka í Kringvarpinum

Kringvarpið er nú farið undir at senda fyrilestrar frá Vísindavøkuni 2024.

Fyrsti fyrilesturin varð sendur týskvøldið 21. januar. Hann var við Dávidi í Lág, ph.d. lesandi í teldufrøði á Fróðskaparsetrinum, og snúði seg um vitlíki til talu-til-tekst máltøkni til føroyskt. Annar fyrilesturin, ið varð sendur týskvøldið 28. januar, var við Rógva Olavson, ph.d. lesandi í samfelagsfrøði á Fróðskaparsetrinum, og snúði seg um samfelagstreysti og politiska kreppustýring. 

Fyrilestrarnir frá Vísindavøkuni eru 20 í tali og verða sendir hvørt týskvøld. Tíggju teir fyrstu fyrilestrarnir eru tøkir á heimasíðuni hjá Kringvarpinum her.