Stuðul til gransking í hjartasjúkum og krabbameini
Nú er aftur høvi hjá granskarum saman við stovni í Føroyum søkja um stuðul til gransking og menning á raðfestum økjum, sum kunnu menna heilsuøkið í Føroyum.
Tað eru í hesum umfarinum upp til 2 mill. kr. tøkar til gransking og menning á tveimum raðfestum økjum, har t.d. epidemiologi og ílegugransking kunnu innganga í hvørt einstakt øki, eins og t.d. menning av nýggjum tilgongdum, skipanum ella tænastum.
Stuðul kann veitast til smærri verkætlanir, samstarvsverkætlanir, ph.d.verkætlanir og post.doc. verkætlanir innan raðfestu økini.
Økini eru
• Hjartasjúkur, gransking / kanning av sjúkum í hjarta og blóðrensli, atvoldin til hjartasjúkur, fyribyrging og viðgerð.
• Krabbamein, epidemiologiskar kanningar / gransking innan krabbameinsøkið
Umsóknir skulu vera Granskingarráðnum í hendi í seinasta lagi 1. september 2017 kl. 12 føroyska tíð.
Les meira um møguleikar og treytir her.