Ph.d ritgerð um støðu Føroya og Grønlands til ES

Fríggjadagin 26. september fer týski ph.d.studenturin Christian Rebhan at verja ph.d.ritgerð sína um støðu Føroya og Grønlands til ES. Verjan verður á Háskúla Íslands kl. 15.
 
Ritgerðin kallast “North Atlantic Euroscepticism – The rejection of EU membership in the Faroe Islands and Greenland.” Høvuðsniðurstøðan í ritgerðini er, at Føroyar og Grønland løgdu størri dent á nationalt ræði á týdningarmiklasta tilfeingið enn á fíggjarligu fyrimunirnar við ES limaskapi.

Christian Rebhan hevur verið innskrivaður á Háskúla Íslands og á Humboldt Universitetinum í Berlin. Vegleiðarar hava verið Baldur Thorhallsson, professari á Háskúla Íslands, og Bernd Henningsen, professari á Humboldt Universitetinum. Opponentarnir til verjuna verða Rasmus Gjedssø Berthelsen, lektari við Ålborg Universitet og Gestur Hovgaard, lektari á Fróðskaparsetri Føroya.

Les tíðindaskriv um ritgerðina í The Arctic Journal