Louise M. Carlsen vart ph.d. um CAS í roknifrálæruni

Frígggjadagin 9. oktober vardi Louise M. Carlsen, adjunktur á Náttúruvísindadeildini, ph.d.ritgerð sína, um hvussu serligar telduskipanir til bókstavarokning – Computer Algebra Systems ella CAS – kunnu brúkast til at styrkja byrjanarundirvísingina í algebra.

Ritgerðin kallast: "Teachers’ Practice and Knowledge on School Algebra with CAS."

Verjan fór fram í nýggja Niels Bohr instituttinum á Københavns Universitet. Til bar eisini at fylgja við á Zoom

Metingarnevndin segði m.a. um ritgerðina, at hon fevnir um eitt stórt og samansett øki. Dentur verður lagdur á týdningarmikil granskingarevni, og áhugaverd og væl grundað úrslit verða løgd fram. Um verjuna søgdu tey, at Louise M. Carlsen hevði eina góða framløgu og var stinn í kjakinum, sum fevndi víða um øll viðurskifti í granskingini, bæði teoretiskt, praktiskt og samfelagsligt.

Eftir væl lokna verju mælti metingarnevndin til at Louise M. Carlsen fer tillutað ph.d.-heitið.

Louise M. Carlsen hevur verið innskrivað á Institut for Naturfagenes Didaktik,Københavns Universitet og starvast á Fróðskaparsetrinum, fyrst á Námsvísindadeildini, síðani á Náttúruvísindadeildini. Carl Winsløw, professari, á Institut for Naturfagenes Didaktik, hevur verið høvuðsvegleiðari, meðan Gunnar Restorff, professari á Náttúruvísindadeildini, hevur verið hjávegleiðari.

Í metingarnevndini vóru:

Morten Misfeldt, professari, Institut for Naturfagenes Didaktik, Københavns Universitet, formaður
Berta Barquero, lektari, University of Barcelona
Hamid Chaachoua, professari, University of Grenoble

Ritgerðin kann lesast og takast niður her

Granskingarráðið hevur stuðlað verkætlanini.