Framløgur um botndjór, politiska leiðslu og brisling í Hovi

Vísindavøkan á ferð vitjar mikukvøldið 28. oktober kl. 19 á Miðnámsskúlanum í Hovi.

Tríggjar framløgur verða í Hovi. Hvør framløga verður umleið 20 minuttir.

Heidi Mortensen, lívfrøðingur á Fiskaaling, fer at hava framløgu við heitinum: Botndjórakanningar á føroysku firðunum - Eitt føroyskt sammetingargrundarlag.

Rógvi Ólavson, vísindaligt hjálparfólk á Søgu- og samfelagsdeildini á Fróðskaparsetrinum, fer at hava framløgu, ið hevur heitið: Politisk leiðsla og samskifti í undantaksstøðu - Hvussu Føroyar loftaðu koronukreppuni.

Og Eydna í Homrum, lívfrøðingur á Havstovuni, fer at hava framløgu við heitinum: Brislingur undir Føroyum - lívfrøði og útbreiðsla.

Tiltakið verður skipað sambært almennu koronutilmælunum.