Ellivu nýggir ph.d.-arar í 2024
Sambært skrásetingunum hjá Granskingarráðnum hava ellivu føroyingar lokið ph.d.-prógv í 2024. Av hesum hava átta verið innskrivað uttanlands, tvey í Føroyum og ein dupultinnskrivað í Føroyum og Danmark. Fýra av verkætlanunum eru stuðlaðar av Granskingarráðnum.
1. mars vardi Jóhannus Kristmundsson ph.d.-ritgerð sína á Fróðskaparsetrinum. Hann hevur arbeitt á Firum (Fiskaaling), seinni á Fróðskaparsetrinum og verið innskrivaður á Náttúruvísindadeildini á Fróðskaparsetrinum. Ritgerðin kallast: “Real time Non-Invasive Salmon Monitoring in Offshore Fish Farms”. Verkætlanin er stuðlað av Granskingarráðnum. Les meira her.
8. mars vardi Rúni Bláfoss ph.d.-ritgerð sína á Syddansk Universitet. Hann hevur arbeitt á Det Nationale Forskningscenter for Arbejdsmiljø (NFA) og verið innskrivaður á Institut for Idræt og Biomekanik á Syddansk Universitet (SDU). Ritgerðin kallast “Daily fluctuations in low-back pain, fatigue, and stress among warehouse and construction workers”. Les meira her.
16. apríl vardi Rannvá Dahl ph.d.-ritgerð sína á Københavns Universitet. Rannvá Dahl hevur arbeitt á og verið innskrivað á Biomedicinsk Institut á Københavns Universitet. Hon hevur samstarvað við Landssjúkrahúsið og Heilsufrøðiligu Starvsstovuna í Føroyum. Ritgerðin kallast “Insulin stimulation of L-carnitine uptake in skeletal muscle in patients with primary carnitine deficiency and the metabolic state of the skeletal muscle”. Verkætlanin er stuðlað av Granskingarráðnum. Les meira her.
19. apríl vardi Eina H. Eliasen ph.d.-ritgerð sína á Fróðskaparsetrinum. Hon hevur arbeitt í Heilsugranskingareindini í Sjúkrahúsverkinum og verið innskrivað á Deildini fyri Heilsu- og Sjúkrarøktarvísindi á Fróðskaparsetrinum. Ritgerðin kallast: "Multidimensional Assessment of Health Among Older Faroese Adults - The Faroese Septuagenarin Cohort". Verkætlanin er stuðlað av Granskingarráðnum. Les meira her.
26. apríl vardi Torkil Veyhe ph.d. -ritgerð sína á Syddansk Universitet, har hann hevur verið innskrivaður á Institut for Teknologi og Innovation. Talan er um eina vinnu phd.-verkætlan, sum er gjørd í samstarvi millum Syddansk Universitet og COWI. Ritgerðin kallast "Design of Looped Wire Rope Connections between Concrete Wall-Elements: Experimental Investigation and Establishment of Mechanical Model for the Anchorage Capacity of Looped Wire Ropesin”. Les meira her.
6. mai vardi Sigri M. Gaïni ph.d.-ritgerð sína á Fróðskaparsetrinum. Hon hevur verið innskrivað á Roskilde Universitet og Søgu- og samfelagsdeildini á Fróðskaparsetrinum. Ritgerðin kallast: "Freedom of Speech, Hate Speech and Democratic Formation - On the double function of hate speech legislation and its relation to freedom of political speech". Verkætlanin er stuðlað av Granskingarráðnum. Les meira her.
14. mai vardi Bjørk K. Sofíudóttir ph.d. ritgerð við Syddansk Universitet- Hon hevur arbeitt á Deildini fyri Reumatologi á Odense Universitetshospital og verið innskrivað á Klinisk Institut á Syddansk Universitet. Ritgerðin kallast: ”Detection of interstitial lung disease in rheumatoid arthritis: diagnostic tests and prognostic value”. Les meira her.
12. juni vardi Karina Poulsdóttir Debes ph.d.-ritgerð sína á Københavns Universitet. Hon hevur verið innskrivað og arbeitt á Institut for Veterinær- og Husdyrvidenskab á Københavns Universitet. Ritgerðin kallast “Post-infarction myocardial function and the impact of SGLT2 inhibitors and obesity in porcine models”. Les meira her.
4. oktober vardi Kristina Hoydal ph.d.-ritgerð sína við VID Stavanger, har hon hevur verið innskrivað og hevur arbeitt. Verkætlanin kallast: “Hverdagsliv i bofelleskap for unge voksne med funksjonsnedsettelse – fysisk utforming, teknologi og praksis”. Les meira her.
18. oktober vardi Hergeir Teitsson ph.d.-ritgerð sína á DTU Space, har hann hevur arbeitt og verið innskrivaður. Ritgerðin kallast: “Geoid Determination for Precise Satellite Height Measurements”. Les meira her.
26. november vardi Tummas Napoleon Arge ph.d.-ritgerð sína á DTU Physics, har hann hevur arbeitt og verið innskrivaður. Ritgerðin kallast: “Squeezed light generation on thin film lithium niobate”. Les meira her.
Ph.d.-netverk
Granskingarráðið umsitur ein afturlatnan bólk á Facebook, sum kallast “Føroysk ph.d.lesandi”. Bólkurin er ætlaður ph.d.-lesandi og teimum, sum hava lokið ph.d. Har ber til at kunna og samskifta um viðkomandi viðurskifti, eitt nú stuðulsfreistir, skeið, ráðstevnur, ph.d.-verjur og útgávur. Til ber at biðja um limaskap her.
Til ber at finna upplýsingar um allar ph.d. lesandi, ph.d.arar, doktarar og aðrar føroyskar granskarar, sum vit vita um, við at fara í Heilagrunnin.
Fleiri ph.d.-ritgerðir eru tøkar talgilt her.
Saknast onkur ph.d.lesandi, ph.d.ari ella annar í Heilagrunninum ella í bólkinum fyri ph.d.-lesandi, frætta vit fegin á gransking@gransking.fo.