Kristianna Lund Dam fer at verja ph.d

Hósdagin 22. november kl. 13 fer Kristianna Lund Dam at verja ph.d.ritgerð sína. Heiti á ritgerðini er "At navigere i en paradoksal tilværelse: En kvalitativ undersøgelse af barndommen og voksenlivet hos voksne børn, der er vokset op på Færøerne, sammen med forældre ramt af svær psykisk sygdom".

Høvuðsvegleiðari hennara er Elisabeth O. C. Hall, RNT, MScN, PhD, Professor Emerita á Aarhus Universitet. sum eisini er adjungeraður professari í sjúkrarøktarfrøði á Deildin fyri Heilsu- og Sjúkrarøktarvísindi á Fróðskaparsetri Føroya.

Í metingarnevndini sita:

Frederik Alkier Gildberg (formaður), ph.d., lektari í Retspsykiatri CPS, Institut for Regional Sundhedsforskning, Sundhedsvidenskabeligt Fakultet, Syddansk Universitet, og lektari í Retspsykiatri & granskingarleiðari á Psykiatrisk Afdeling Middelfart, Psykiatrien Region Syddanmark.

Ingela Skärsäter, professari i Omvårdnad med inriktning mot Hälsa och Livsstil, Högskolan i Halmstad, Akademin för Hälsa och Välfärd.

Lisbet Borge, fyrstiamanuensis dr.philos., Fakultet for helsefag, studiested Diakonhjemmet, Oslo VID vitenskapelige høgskole.

Ph.d. - verjan er almenn og verður hildin í Kongshøll í Sjóvinnuhúsinum hósdagin 22. november og byrjar stundisliga kl. 13.

Ph.d.-ritgerðin liggur alment frammi á Landsbókasavninum.

Verkætlanin hevur fingið stuðul frá høvuðsøki 2 hjá Sjúkrakassagrunninum.